SHILLONG: Kerala a·dokni sakgni nuns ba toromna dangdike on·gipa me·chik kamalrangko Chattisgarh a·doko Bajrang Dal memborrangni ka·saninggija kal·ake saknaate roani gimin uamangni kosako niamo pangchake bichal ka·china gita Meghalaya Pradesh Congress Committee dabiaha.
Maming dosi grigipa nun-rangko, me·chik sakgittamko aro me·asa saksako rim·enba kal·ake roani gimin Bajrang Dal memborrangni kosako matnangataha aro joltangni police-ba dokgipa satgipa dolnan chakpaiani gimin matnange aganan baksa dosi griba nun-rangko taBajrang Dal memborrangni raken watpilna nanga ine MPCC Working President, Deborah Marak aganaha.
Ia a·sel ong·anio police-ni mamingkoba dakja baksana Bajrang Dal memborrangnasa bate chakpilani gimin a·selrangko sandichina gitaba Congress dabiaha. Nun-rangni kosako ka·saninggija kal·ake saknaate roani gimin Bajrang Dal memborrangni kosako niam gita bichal ka·na nanga ine dabian baksa, Religious Minority-rangko chel·chakanikoba nangnike Congress dilgipa aganaha.
