TURA: Be·n bimangko tik ong·e rakkiani, team work ka·ani aro kal·susagipa ong·anio gamchataniko tang·doatengon, South West Garo Hills-ni Jawahar Navodaya Vidyalaya (JNV), 2025 bilsini August 29 aro 31 tariko National Sport Day-ko maniani somoio susaanirangko aro nokning dingtang dingtang kal·atanirangko ong·atan baksa maniangaha.
School-ni Principal Mohammad Abdul Gani-chi event-ko oprakani somoio chakkiko wa·al so·e a·bachengaha aro India-ni hockey kal·gipa Major Dhyan Chan-ko mande ra·angaha. Ua chatro chatrirang baksa agangrikangaha aro kal·susaani role-o an·seng-baljokani aro discipline-ko rakkina dilanga. Kal·susaanio bakko ra·giparang kal·susaani niamrangko ja·rikna nanga, dolsa dolgipinko mande ra·grikna nanga aro adasa abisa ong·ani gisiko susana nanga ine ua agan-talatangaha.
Majjor Dhyan Chan-ni chu·sokanirang aro janggi tangani bidingo Dr. Arvind Yadav dingtangmancha aganangaha jeni atchiani salko August 29 tariko bilsiantian National Sport Day-ko maniani somoio manirongenga aro janggi tangani chol dake kal·susaani a·bao re·mikkangchina chatro chatrirangko didiangaha.
Uni ja·man, Fit India Pledge-ko dakangaha aro jatni dakbewalo kal·susaani aro susaanirangko ong·ataha, jeon Volleyball, kabaddi, badminton, robol kal·susaani, yoga aro budu salgrikaniko ong·ataha. Ia susaanirango chatro chatrirang gimikan bakko ra·angaha.
Event-ko Principal Mohammad Abdul Gani-chi dilaha aro teacher-rang Miton Shil aro Bhawna Rajput-chi teacher gimikni mikkango nirokangaha, teacher-rang, Subhadeep Bhattacharya, Sajal Mondal, Saddam Saikh, Pravin Kumar, Aditi Kashyap, Anjana Ghosh, Azeez Mohammad, Rajesh Yadav, Sujata Yadav, Bilal Ahmad Dar , Ritesh Kumar , Jaydip Banerjee, Dudul Boruah aro Vishal Phulera.
Matchotani salo, susaanio chegiparangna certificate-rang aro medal-rangko on·angaha. 2025 bilsio gimiko chegopgipa Shivalik House-an chegopaha.
Manianiko matchotatani salo Arvind Yadav, PGT Hindi, Sudhir Kumar, PGT Economics aro Pallavi Mohan, TGT English, uamang mittelpilskani kattarangko aganangaha.
