TURA: Batanggimin August 27-o Pa Sonaram R. Sangma, ni chang 109 gipa siani salko Assam, Goalpara a·jani Bakrapur songo manianio bakko ra·e A·chik a·song ni a·kawe jolrango songdongenggipa Muslim ma·malrangni kosako kragija katta rangko agananina Assam a·dokni Deputy Speaker, Dr. Numal Momin ni kosako jegalaniko dake Muslim rangni tom·tome dongenganiko aro Garo Hills ni a·kawe jolrango jatsa jatgipin baksa ku·cholsan ong·e dongengako gisik saatan baksa so·sojengjeng ong·atahanina noksul a·dok ni Deputy Speaker kema bi·china (AMMSU) dabianiko dakangaha.
Assam Deputy Speaker, Dr. Numal Momin, August 27-o Pa Sonaram R. Sangma ni siani salo bakko ra·engon Non-Tribal Muslim jatrangko Garo Hills ni District Council Election na altuae susana on·aniara Sixth Schedule ni ning·o kragijagipa ong·a.
Iani bidingo songsalo kajia-golmalrang ong·jana gita A·chik a·songni dilgiparangko mol·molangenba Assam ni Deputy Speaker, Dr. Momin iani bidingo an·tangni agangimin kattarangna kema bi·na nanga ine AMMSU dabianiko dake re·baenggipa sal-somoirango a·doko songdonggipa dingtang dingtang ma·mal rangni gisepo so·sojengjeng ong·jana gita darangba iandakgipa kattarangko aganpajachina mol·molangan baksa ku·pattiangaha.
Assam Deputy Speaker, Dr. Numal Momin, August 27-o Pa Sonaram R. Sangma ni siani salo bakko ra·engon Non-Tribal Muslim jatrangko Garo Hills ni District Council Election na altuae susana on·aniara Sixth Schedule ni ning·o kragijagipa ong·a.
Iani bidingo songsalo kajia-golmalrang ong·jana gita A·chik a·songni dilgiparangko mol·molangenba Assam ni Deputy Speaker, Dr. Momin iani bidingo an·tangni agangimin kattarangna kema bi·na nanga ine AMMSU dabianiko dake re·baenggipa sal-somoirango a·doko songdonggipa dingtang dingtang ma·mal rangni gisepo so·sojengjeng ong·jana gita darangba iandakgipa kattarangko aganpajachina mol·molangan baksa ku·pattiangaha.