SHILLONG: Dingtang dingtang gadangni skigiparangna sorkarini tarigimin dormaha ba grant-in-aid-ko re·baenggipa 2026 bilsini April 1 tarik dipet a·bachengatgen ine Budbar salo, a·dokni Education Minister Lahkmen Rymbui parakataha.
Iani bidingo kobor ra·timgiparangna talataniko on·angengon, skigiparangnaba sorkari, naljokaniko on·na nangnikengani gimin pilak gadangni skigiparangnan dormahako tarina git tik ka·aha ine Rymbui aganaha.
2026 bilsini March ja dipetde SSA skigiparangna on·enggipa tangka paisarangkoba ma·mong sorkari dontonggnok ine janapatengon, adhoc, fourth aro Hindi skigiparangna dormahako bimang apsano tarie on·na gita sorkari tik ka·aha ine Education Minister parakataha.
Pilakankode sorkari chu·ongnikatna man·jawa ine janapatskaengon, ia gital dormahani bimangko December 31 tariko tarigen aro re·baenggipa 2026 bilsini April 1 tarik dipet a·bachengatgnok ine Rymbui parakataha.
Education Minister-ni aganani gitade, ia one pay structure-o sorkari, da·o dipet deficit skigiparangkode napatna chanchia dongkuja.
Skulni gadangrangko komiatna nangengani gimin janapatengon, sorkari aro skigiparangni gisepo apsan meligrikna man·genchimode dingtangani donggen ine Education Minister ku·rachakaniko on·angaha.
