Gital niamrangna sorkari ja.ku de.a, ILP aro MRSSA-donchipkuenga: Suin

SHILLONG: Mawsynram MLA aro State Planning Board-ni Co-Chairman, Ollan Sing Suin, Meghalaya-ni dingtang dingtang jatrangko chel·chakna gital legal mechanism-ko ra·bana a·dok sorkarini chanchianiko namnikaha.
A·bachengatgipa namgipa ja·ku de·gipa ong·a, dingtnagmancha ua somoio jensalo  mongsonggipa chel·chakgipa niamrng jekai ILP aro MRSSA-ko ra·bana ma·mong baksa chanchianirangko dakuaienga, ine ua aganaha.
Inner Line Permit (ILP)-ko chu·sokatna resolution dakchakpgipako a·dokni assembly ra·chakmanaha aro Chief Minister Conrad K Sangma-ni dilani ning·o a·dok sorkari Union sorkari baksa iani bidingo kam ka·angenga, ine Suin aganaha.
Parliament-ni gita ILP-ko ra·chakatna miksongani aro Act ong·bae a·dokni jatrangko chel·chakna man·gen, ine ua aganaha.
Meghalaya Residents’ Safety and Security Act (MRSSA)-o ua indake aganangaha, niamko skangoni chu·sokataha aro ra·chakna watataha indiba iako chu·sokatna miksonggipako ma·mongoni namnikaniko man·sokujaenga aro da·ona indaken dongkuaienga.
Gitalgipa niamrangko tariangna chanchina somoi nangenga aro ian gamchatgipa ong·a ine ua aganaha. Assam a·doko namroroaniko ra·e aganangaha, jeon a·rikgalenga, apjitatenga aro ra·galenga jemangan sorkari a·ao niamgri songdongenga ua a·arangko ra·pilenga ine ua aganaha. Uni gimin Meghalaya a·dokoba apsan dakgipa kamrangko champengna man·a gita biapo bilake niamgni gita chel·chakaniko dakna nangchongmotenga.
Butbar salo. niamgri songdonggiparangni bidingo sinjetgipa dolrangoni nipile kam ka·enganina aganchakangaha, napdrabaenggiparangko champengna a·dok gadangni gadang name dake nirikiani dakna donaha ine Chief Minister Conrad K Sangma aganaha.
Suin said he was pleased to see civil society organisations and pressure groups remaining vigilant on issues relating to the protection of indigenous communities.
Ge·gnian ILP aro MRSSA-ko chu·sokata ong·ode a·dokna bakrogipa chel·chakaniko on·anggen, ine ua aganaha.
Jolni community-rangni gisepgriko aro sima arirango name dake nirikina batanggimin ru·uta bilsirangoni mechanism-rangko bilakdapatenga aro niamrangko donanganio mamlarango sorkari gisiko nangen chanchiangenga, ine ua aganaha.
Meghalaya a·doko gital a·songni gadango niamrangko maidake uamang donangna man·gen chel·chakaniko bilakatna a·dok iarangni bidingo name dake nienga ine Sangma aganaha.