SHILLONG: New Shillong Township-o rikenggipa IT park-ni gnigipa phase ba gadango Artificial Intelligence-na IndiaAI Centre of Excellence (CoE) donggen.
Meghalaya sorkari, IndiaAI Mission, Ministry of Electronics & Information Technology (MeitY) baksa bakrime Technology Park-o Artificial Intelligence -na India AI Centre of Excellence (CoE)-ko rikenga.
CoE, ian research, innovation, capacity building aro industry collaboration – ba uandakgiparangna national hub gita ong·gen.
IT department, Centrel of Excellence-ko develop ba bilakatna niksengipa industry-rang baksa kam ka·rimna sandianirangko a·bachengataha.
Google-na Communications-ko watataha indiba da·odipet maming aganchakaniko man·sokuja.
Iarangni gisepon Department, CoE-ko ra·gatanio NVIDIA aro gipin dal·dalgipa industry stakeholder-rang baksa bakrime kam ka·na agangrikanirangko a·bachengataha.
IndiaAI guidelines-o janapani gita Meghalaya, namen chonbegipa a·dok ong·a aro mande jela komiani a·sel ‘low population category’-o ga·aka.
Funding pattern ba tangka gamaniko sualgrikaniara 40 % a·dokni, 40 % central aro 20% Industry partner-rangni ong·gen.
AI-na CoE-ko rikna gita IndiaAI-na lekkako seataha aro a·dok sorkari, CoE-ko rikna gita guidelines ba niamrangko man·soaha.
