Mawkyrwat: National Highway Demand Committee (NHDC) South West Khasi Hills District, Deputy Chief Minister aro PWD-ni incharge Prestone Tynsong-ni jrip dongchipe mamingkon aganchakgija donganina jagokpilaha. Committee, Prestone-ko gronge district-ni manderangni batanggimin bilsi 20 somoirangonin district-ko Shillong songjinma baksa nangdimatgipa National Highway-ko dabiengani bidingo agangrikna grongna gita appointment-ko changgni ra·na sandiahachim.
National Highway Demand Committee-ni chairman Kynpham V. Kharlyngdoh, koborna u·iatengon indine aganaha, “Committee, batanggimin October 7 aro October 24 tariko Deputy CM-ko gronge jolni manderangni neng·nikararangko u·iatna jotton ka·ahachim, Mawkyrwat-ko Shillong baksa nangdimatgipa National Highway-ni gimin dabina gita grongna appointment-ko ra·na jotton ka·aha indiba Dy CM, mamingkon aganchaka dongja, uni Personal Assistant-koba gronge u·iatahachim indiba maming namgni dong·ja.
Committee, sorkarini Weiloi-oni Mawkyrwat-ona PWD ramako ra·angna miksongako jegalja indiba apsan somoio Lad Mawreng-oni Mawkyrwat aro Ranikor-ona National Highway-ko ra·angako nangnikenga, jedakode jolni manderangna namgni ong·gen batanggimin bilsi 2017-onin chinga iako dabienga indiba sorkari, mamingkon aganchaka dongkuja ine Kharlyngdoh aganaha.
“Ranikor Civil Sub-Division-oni Nongjri-Mahashkola-ni ning·o ga·akgipa dam 18 songrangko South Garo Hills baksa nangdimatgipa National Highway ramarangko taria matchotpiljok indiba chingni district-ko skotong songjinma Shillong-ona mangmangan NH nangdimatgipa ramako taria dongkuja ian namen jagokatpilgipa ong·a.
Changsatai Committee, Dy CM-ko grongna appointment-ko ra·taina tik ka·aha unomangba jrip dongangkua ong·ode Committee, an·tangni gita ja·ku de·angskagen ine Kharlyngdoh aganaha.
National Highway Demand Committee, Dy. CM-ni jrip donganina suk ong·ja
Date:
Share post:
