SHILLONG: Batanggimin bilsi bonga skang a·bachengatgipa MOTHER project-ni gita Meghalaya sorkari a·dokoni an·o donggipa ma·gipa aro atchidal bi·sarangni be·en-bimang an·seng baljokaniko namdapatanio namen chu·sokaniko man·enga.
Report-ni gita, an·o donggipa ma·giparangni bi·sa an·paka somoio sianirang atagrikni gita komiangaha, da·ode bang·a ma·giparangan hospital-rango an·paktokenga, unbaksana atchidal bi·sarangna simsak nirokani namdapaha.
International Journal of Scientific Research and Technology-o parakatgipa report-o bilsi 2019-oni 2024-ona sorkarini health data-ko study ka·aha ba am·sandianiko dakaha unbaksana frontline worker ba mikkangchake kam ka·gipa health worker-rangko sing·sandie niaha. KIIT Shool of Public Health-ni PhD scholar Sayandip Gangopandhyay aro NSHM Business School, Durgapur-ni Assistant Professor Sudipta Das-mang study ka·aha.
MOTHER Project-ko bilsi 2019-o national policy aro SDG target ba nisano pangchake parakataha. Ia programo real-time MOTHER App, Chief Minister’s Safe Motherhood Scheme (CM-SMS)-ni ning·o re·a-doani koros aro Village Health Councils-ni gita nirok-simsakanirang napa.
Meghalalya-ni Maternal Mortility Ratio bilsi 2021-o 3189-oni bilsi 2024-o 172-ona komiangaha ian 45.9 percent komiangako nikna man·a.
Infant mortality-ba 29.9-oni 24.4-ona komiangaha. Neonatal care system bilakani a·sel aro immunisation ba sam-bijirangko su·anichi komianiko nikenga.
Hospital-o an·pakani rate 57.7-oni 74.1 percent-ona tang·doaha. Noktangtango an·pakanirang namen komiangjok. Indiba je biaprangona gari ba re·a doani gipin cholrang sokna neng·a uandakgipa biaprangode noktangtangon bi·sa an·pakani dongkuenga.
An·o donggiparangni registration ba biming segataniba namdapaha.
Policy-ko a·bachengataonin Meghalaya, namen tang·doenga. MOTHER project, namen chu·sokgipa ong·enga.
