SHILLONG: Kam ka·soenggipa pilak skigiparangan Teacher Eligibility Test (TET)-ko pass ka·telna nanggen ine rai on·aniko ra·pilchina gita a·dokni Law department, Supreme Court (SC)-ko mol·molna pilak cholrangkon sandienga.
Law department-oni kobor on·timgiparangni u·iatani gitade, skigiparang TET pass ka·telna nanga ine rai on·aniko a·dok sorkariba ra·pilchina nangnikenga aro iani bidingo kachari, re·baenggipa January jao hearing-ko daktaina sienga.
Meghalaya sorkarina agreba, re·anggipa September jani 1 tariko rai on·aniko ra·pilchina gita Meghalaya SSA Schools Association (MSSASA)-ba Supreme Court-ko mol·molataha.
Kobor on·timgiparangni u·iatani gitade, gipin High Court-rangoba iani bidingo nipiltaikuenga aro a·dok sorkariba iani bidingo talbatatanina sengkuenga.
Skigiparang TET-ko pass ka·na gita dongimin somoirang donga aro Supreme Court-ni rai on·ani ja·man, skigiparangna neng·nikanirang sokbadapaha ineba kobor on·timgiparang parakataha.
“Skigiparangni neng·nikaniko chel·chakna gita chingaba Supreme Court-ko mol·molna cholrangko nienga aro maidakgipa cholrang nambatgen, uko chinga nienga,” ine kobor on·timgiparang u·iatenba, iani bidingo sorkari, sikkele kamko ka·jaenga indiba maikai ia raiko nipiltaichina didina man·gen, unasa pilak cholrangkon nienga ine parakataha.
Meghalaya a·doko sak 32,000-na baten TET-ko pass ka·kugijagipa sorkari skigiparang donga aro Supreme Court-ni rai on·aniara ia skigiparangna nangchakeaniko ra·bagen ine nikna man·enga.
Skigiparangna TET nangtelgipa ong·ataniko nipilchina Law dept, SC-ko didigen
Date:
Share post:
