SHILLONG: Samagra Shiksha Abhiyan (SSA)-ko Meghalaya a·doko chalaina a·dok sorkari, tangka paisani gita neng·nikanirangko chagrongna nangenga ine Budbar salo, a·dokni Education Minister Lahkmen Rymbui parakataha.
Education Minister-ni parakatani gitade, SSA program-na gong kror 235 tangkarangko Project Approval Board (PAB) ra·chakahaon, India sorkaride gong kror 139-kosan watataigen aro bangki gong kror 72 tangkarangkode a·dok sorkarian koros ka·na nangenga.
Re·baenggipa 2026 bilsini March jani gisepon ma·mong sorkari, SSA-ko bon·atna tik ka·ahani gimin a·doko SSA-ko chalaianio neng·nikanirangko Rymbui janapataha.
“Re·baenggipa bilsio SSA-ko chalaina baoni tangkarangko chinga man·gen? Ia tangkarangara darangniba ong·ja indiba a·dokni budget-onisa ong·a. SSA program-na ma·mong sorkari dakchakaniko on·jahaode haida chinga gipin department-rangna chamgipa tangka paisarangoniko kattiskana nangnaba dongaha,” ine Education Minister aganaha.
Adhoc gadango kam ka·giparangna dormaha bariatan baksana dingtang dingtang dormaharangko bariatanichi komibeoba gong kror 500-mangni gita korosrang gadodapna siengahani giminba ua jajrengchakaniko parakataha.
“Ian Education department-na altugipa kam ong·ja ba sorkari iako changsano namatgen man·gen ong·ja. Chinga dingtang dingtang neng·nikanirangko apsan somoion chagrongna nangenga,” ine Rymbui aganaha.
A·doko lekka porani kamrangko tangkame rakkiangna tangka paisani gita dakchakanirangko nangkuenga ine janapatengon, mikkangchiba SSA program-ko maming neng·nikani grian chalaiangkuna man·na gita a·dok sorkari, ma·mong sorkarini dakchakanirangko on·angkuchina didienga ine Education Minister parakataha.
SSA-ko chalaina sorkari tangka paisani gita neng·nikaniko man·enga: Edu Minister
Date:
Share post:
