SHILLONG: North Eastern Police Academy (NEPA)-ni 55-gipa Batch Basic Course-o skie ra·gipa Meghalaya a·dokni sak 15 sipairangko man·chape gimik sak 68 gital officer-rang pass ka·aha aro ia sipairangna, dingtangmancha Sombar salo, Passing Out Parade-ko NEPA-o ong·atangaha.
Ia Passing Out Parade-ko ong·atanio, Meghalaya a·dokni Director General of Police (DGP) Idashisha Nongrang, mongsonggipa sokgipa ong·e, gital pass ka·anggipa sipairangni parade-ko niangaha.
Ia 55-gipa Batch-ni Basic Course-o pass ka·anggipa sak 68 sipairangara, sak 42-de Deputy Superintendent of Police (Probation), sak 1-de Cadet Inspector aro sak 25-de Cadet Sub-Inspector/Assistant Sub-Inspector-rang ong·a. Ia pass ka·gipa sak 68 sipairangoni sak 15-de Meghalaya-oni, sak 5-de Manipur-oni, sak 24-de Nagaland-oni sak 10-de Tripura-oni aro sak 14-de Sikkim a·dokoni ong·a.
Ia sak 68 sipairangoni sak 21-de me·chik officer-rang ong·a.
Ia Passing Out Parade-ko ong·atanio, a·dokni DGP Idashisha Nongrang, jinmana aganprakangengon, nambee parade kal·e mesokahani gimin ia gital officer-rangna an·tangni namgipa skaniko on·angaha aro ja·mano, training-o name dakna man·gipa sipairangna trophy aro medal-rangkoba sualataha.
Ia gital officer-rangni, a·songna dangdike on·na ku·mikchetaniko NEPA-ni Director Kavita Jalan dilangskaaha.
Ia Passing Out Parade-ko Sikkim Police Service-ni Deputy SP (P) Dipendra Adhikari aro Meghalaya Police Service-ni Dy SP (P) Tengchak K Sangma, Parade Commander ong·e dilangaha.
NEPA-ni 55-gipa Batch Basic Course-o sak 68 officer-rang pass ka·a
Date:
Share post:
