SHILLONG: Adita salrangna skang, East Jaintia Hills a·jani Shymplong songo donggipa Dhar Construction Company-ni bagano Improvised Explosive Device (IED) bomako gopretanio gimik sakbri manderang jak donga ine police-rang ma·sina man·aha aro ia sakbrioni sakgnikode rim·na man·ahani gimin da·o sakgnikoba rim·na police-rang sandiengkua.
Police-rangni u·iatani gitade, rim·na sandienggipa sakgni manderang, iana skangba ong·gija kamrangko ka·anina rim·ako man·giparang ong·a aro uamang, batanggimin changrangoba jail-oni jokgiminrangsa ong·a.
Ia mande sakgnini bimingara, Smiki Tongper aro Issei Sungoh ong·a aro Police-rangni aganani gitade, ia mande sakgnioni saksa Smiki Tongper, iana skang rim·ako man·gipa Richard Suchen aro Pynshaitbor Syih baksa, ia IED bomako gopretna tariaha.
Tongper-ni nokoniko police-rang chadrapeon, IED tarianio jakkalgipa ma·manti bosturang aro adita silchidarerangkoba man·aha ine police-rang u·iataha.
Tongper-ko police-rang, 2023 bilsio, bi·sa saksako kragija dake kal·akani gimin Khliehriat Women Police Station-ni case-o pangchake rim·ahachim.
Iani bidingo u·iataniko on·angengon, East Jaintia Hills a·jao IED bomako gopretanina police-rang, Hynniewtrep National Liberation Council (HNLC) bobil dolni ma·sina man·kugijagipa mandeko sandienga ine police-rang parakataha.
Shymplong-o IED boma gopretani ja·man, ia gopretaniko HNLC bobil dolan a·kangatahachim ine nikna man·a.
Ia mande sakgniko rim·na gita dakchakaniko on·china gitaba police-rang, jolo songdongenggipa manderangko mol·molataha.
EJH-o IED boma gopretanio jak donggipa sakgniko police-rang sandienga
Date:
Share post:
