SHILLONG: Batanggimin somoirango, Kristianrangni Krismas manianiko a·songni dingtang dingtang biaprango, badiaba manderangni kragija dake golmal ka·na jotton ka·anina a·doko donggipa gipin jatrangni dingtang dingtang dolrangba raken jegalataha.
A·songni dingtang dingtang biaprango Krismas manianiko champengna jotton ka·anina Shillong-o donggipa Urdu Society of India (USI)-ba jegalatengon, iandake Krismas manianiko golmal ka·na jotton ka·aniara Kristianrangni kosako kragija dakaniko mesokanisan ong·aija indiba India a·songo dingtang dingtang jat aro toromrangni ku·mong nangrime songdong a·chaaniko golmal ka·ani gitaba ong·a ine parakataha.
Assam a·dokni Nalbari-ko man·chape a·songni dingtang dingtang biaprango Krismas manienggipa manderangko golmal ka·anina suk ong·gijaniko parakatengon, Krismasko manianiara tom·tomani aro toromni gita manianisa ong·a aro iandake manianiko golmal ka·aniara namen kragijani ong·a ine USI parakataha.
A·songo dingtang dingtang torom, jat aro jolrangni gisepo mande ra·grikanian a·songni pangchakani ong·a aro iandake mande ra·grike janggi tanganiko golmal ka·na jotton ka·aniara, a·songni bilko bilgriatani gita ong·a ineba USI parakataha.
A·songni dingtang dingtang biaprango Krismas manianiko golmal ka·na jotton ka·anina a·dokni Central Puja Committee (CPC)-ba raken jegalataha aro mikkangchi iandakgipa a·selrangko champengna gita dos dakgipa manderangni kosako rakbatsranggipa sastirangko on·china sorkariko didiataha.
Kristianrangni kosako kragija dakaniko dingtang dingtang dolrang jegala
Date:
Share post:
