SHILLONG: Class-I-ona kingking pre-primary-o Khasi aro Garo subject-rangko nangtelgipa ong·atna skiing, a·dokni pilak a·jarangon skigiparangna dingtangmancha training-ko ong·atna Education Department tik ka·angaha.
A·dokni Education Minister Lahkmen Rymbui-ni parakatani gitade, pre-primary class-rango Khasi aro Garo subject-ko nangtelgipa subject ong·atna tik ka·aniara, a·dokni dingtang dingtang biaprango songdongenggipa dingtang dingtang jatrangna, gipin jatni ku·sikko skie ra·na cholko on·ani gita ong·enga aro a·doko Khasi aro Garo manderang, jatsa jatgipinni ku·sikrangko skie ra·na cholko man·engoba da·o dipet onbatgipa gadangrangode skie on·anirang dongkujaengachim.
Chonmiting skie ra·anian mandena nambatgipa chol ong·a ine janapatengon, skul napchengmiting somoirangonin gipin ku·sikrangko skie ra·aniara namen nangchongmotgipa ong·a ine Rymbui aganaha.
Poraianiko a·bachengengmiting somoirangon bi·sarang, jatsa jatgipinni ku·sikrangko skie ra·china aro ja·mano maming neng·nikanirangko man·jana gitasa pre-primary skulonin da·o Khasi aro Garo subject-ko nangtelgipa subject ong·atna tik ka·aha ineba Education Minister parakataha.
Khasi-Jaintia Hills a·jarango skigiparangde Garo ku·sikko skie on·anio aro Garo Hills-oba skigiparang Khasi ku·sikko skie on·anio neng·nikanirangko man·na nangengani gimin a·dok sorkari, skigiparangna dingtangmancha training-ko ong·atna tik ka·angaha.
Ia curriculum-ko ra·gatna skang a·dok sorkari, dingtangmancha niamrangko tarie on·gen ineba Rymbui parakataha.
Pre-Primary-o Khasi, Garo-ko nangtelgipa ong·atna skang skigiparangna skie on·gen
Date:
Share post:
