SHILLONG: Shillong-ni Lok Sabha MP aro Voice of the People’s Party (VPP)-ni general secretary Dr Ricky AJ Syngkon, Bristibar attamo tanggitik saaniko man·e a·gilsakko watangani ja·man Meghalaya Pradesh Congress Committee (MPCC)-ba uni nokdangna aro pilak ka·sagiminrangna kalimpaaniko parakataha.
Sianggipa Dr Syngkon-ni nokdangna mande ra·pilskaaniko aro bakrimaniko mesokna gita Sukrobar salo, MPCC-ni president Vincent H Pala, Tura-ni Lok Sabha MP Saleng A Sangma aro gipin dilgiparang, uni nokona re·ange grongeaha.
Dr Syngkon-ni sianina kalimpaaniko parakatengon, “Uni manderangna on·kangani, uni namgipa dakbewalrang aro uni ramram manderangna ka·sae simsak nirokaniko pangnan gisik ra·kamgen,” ine MPCC-ni president Vincent Pala parakataha.
Dr Syngkon-ni nokona re·anganio MPCC-ni dilgiparang, uni janggina aro uni nokdangnaba Nokgipa Isolo bi·chakangaha.
“Sianggipa Dr Ricky AJ Syngkon-na kalimanio aro uni kamrangna mittelpilskaanio MPCC-ba bakrimaniko on·paenga. Uni songsalna on·gilaniko pilakan gisik ra·kamgen,” ine MPCC-ni president parakataha.
