SHILLONG: Sonibar salo Shillong songjinmao jripchichang ong·aha. Robibar salni pring dake nikmanpilaha, garirangni re·a komiaha aro bang·abata dokangrangan chiptokaha.
Shillong-ni MP Dr. Ricky AJ Syngkhon-ni sianina mande ra·ani chin dake badingchiwalgipa dokan dakgiparangko chipchina adita dolrang social media-o mol·molatani kattarangko gipataha. Sorkarini gita official kamrangko dondipatna parakataha.
Duk ong·ani somoio kalimpaaniko mesokna mongsonggipa anti bajarango aro badingchiwalani a·damrango bang·bata dokanrangan chipaha.
Badingchiwalgiparangni gisepgriko duk ong·beeaniko mesokna Police bajaro pharmacy dokan mangmangba chipaha indiba nangchongmotgipa bosturangko palgipa dokanrangsan kuliaiaha.
Mitam dokan dakgiparang kalimpaaniko mesokna chipaha aro mitamrang neng·nikaniko man·e kene chipaha. Mitamrang agana, uamanga mande ra·na chu·gimikan chipa ine parakataha. Mitamrang aganangaha, uamang kulia ong·ode maiba dake golmalrang ong·naba donga uni chipa ine parakangaha.
Bang·a songdonggipa biaprangni ramarango jrichichang ong·aha aro bajar antirang mande ra·aniko mesokani chin dake chipaha.
