SHILLONG: Koela cho·batgipa biaprango district police am·sandiangan baksa East Jaintia Hills a·jao niamgri koela bikotgiparangko aro gipinchina watatgiparangko rim·aha.
February 20 aro 21 tariko apsan nangrime am·sandianiko dakani somoio niamgri koela salangenggipa truck bol 12-ko koela gnang district police rim·aha. District-o niamgri koela cho·anio aro dingtang dingtang biaprangona watatengani kosako am·sandianiko dakengani bako koela salanggiparangko rim·aha.
Superintendent of Police-ni data-ko parakatani gitade, enforcement campaign-ko dakanichi ge-94 FIR-rangko ka·angna man·aha. Niamgri koela cho·ani aro gipinchina watatani kamrang baksa jak dongpagipa sak 22 manderangko rim·aha aro 17,322 metric tonne koela-rangko authority-ni gita rim·aha.
Am·sandianiko dakani somoio gopretatao jakkalgipa bostu kg 25.5-ko police man·aha, jekon koela cho·ao niamgri jakkalgipa bosturangko champenggenchimoba jakkalgipa bang·rikrikengaha.
Niamgri koela cho·anichi samtangtango dongenggiparngna neng·nikataniko ra·baaniko champengna aro niam baksa rakgipa ja·kuko de·na nirikiani aro am·sandianiko district police dakangkugen ine Superintendent of Police Pankaj Kumar Rasgania, IPS, parakataha.
