SHILLONG: Garo Hills Autonomous District Council (GHADC) election-o susana gita candidate-rang, Scheduled Tribe (ST) certificate dongna nangtelgen ine Executive Committee (EC)-ni tik ka·aniko Tribal ong·gijagipa manderang jegalanirangko daktokengon, da·o dipet iani bidingo a·dokni Bharatiya Janata Party (BJP) chanchia dongkuja aro somoi ra·e chanchina nangkuenga ine u·iataha.
Meghalaya a·doko BJP, seat-rangko chena gita bang·bata election-rangon Tribal ong·gijagipa manderangosa pangchakna gita nangbatrongachim indiba GHADC-ni bidingode BJP-ni dilgiparang, da·o dipet maming ku·rangko on·na gita jechakkuenga.
Iani bidingo BJP-ni spokesperson M Kharkrang, kobor ra·timgipa manderang baksa agangrikengon, GHADC election-o susana gita ST certificate-ko nanggen ine niamko ra·gatgipani bidingo uamang chanchirima dongkuja aro iani bidingo jinma asonge chanchirimgen ine parakataha.
Iani bidingo mamingkoba janapna gita da·o dipet agre seng·gnangdugakuenga ineba ua aganaha.
Batanggimin chang GHADC election-rango Tribal ong·gijagipa manderangko susana aro pu·onna gita on·ahaoba ia changode, GHADC election-o Tribal ong·gijagipa manderangni bak ra·aniko dingtang dingtang NGO-rang aro mitam political party-rangba jegaltokskaengahachim.
Iani bidingo BJP-ni state vice president aro Tura-ni MDC Bernard N Marak-ba ku·rangko on·angengon, 1869 bilsionin Hill Tribe ba a·brio songdonggipa jatrang, dingtang Hill District dongachim aro ST gadangko man·gipa jatrangsan ADC-ni membor ong·na gita niam donga ine parakataha.
A·brirango songdongenggipa manderangni janggi tangani bewal, daka rikani aro songko nokko chalaiani bewalko chel·chakna gitasa ADC-rangko, Indian Constitution-ni Sixth Schedule ning·o on·aha ineba Marak parakataha.
Marak-ni parakatani gitade, Sixth Schedule-ni mongsonggipa miksonganian, Tribal-rangko gipin jatrangni sasoniko chel·chakna ra·gatgipa niamsa ong·a.
GHADC election-o Non-Tribal-rangni bak ra·aniko champengani bidingo chanchikugen: BJP
Date:
Share post:
