TURA: Garo Hills Autonomous District Council (GHADC) election-na March 9 tarikoni March 16 tarikona nomination-rangko file ka·engon, ia election-o Tribal ong·gijagipa manderangni bak ra·aniko dingtang dingtang dolrang aro manderang champengtokengani gimin so·sojengjeng ong·anirangko champengna gita West Garo Hills a·jani District Magistrate, Bharat Nagarik Suraksha Sanhita (BNSS)-ni Section 163-ni ning·o, Hallidayganj Police Station, Phulbari Police Station aro Selsella Police Outpost-ni ning·o donggipa dingtang dingtang songrango, attam 6:00 bajioni pring 6:00 bajiona curfew-ko ra·gatangaha.
Ia songrango attam 6:00 bajioni pring 6:00 bajiona curfew-ko ra·gatahani gimin ia somoirango, mande sakbonga ba una bate tom·aniko, gol·dik, rod, ro·ong ba uandakgipa silchidare ra·bitaniko champengataha ine District Magistrate u·iataha.
