TURA: West Garo Hills ajao, niamgri itta so·anirangko dakenganichi uarangoni ong·katenggipa wal·kurangni balwarangko rongtalgija ong·atengani a·sel manderangni an·seng baljokanina kenchakani ong·engani gimin, Section 164 BNSS, 2023-o pangchake, West Garo Hills a·jani District Magistrate, Vibhor Aggarwal, West Garo Hills a·jao niamgri itta so·anirangko dontongataha ba champengataha.
Ia champengataniko, National Green Tribunal-o ja·rikna nangchongmotgipa niamrango pangchake, samtangtango donggipa pilak janggi gnanggiparangni naljokanina ja·ku de·na nangchongmotgipa on·ani bidingo a·jao niamgti itta so·enganiko champengataniko dakangaha.
Indake ong·engon, West Garo hills-ni adita biaprango niamgri itta so·enganiko dakengani a·sel ran·sitenggipa balwarangko rongtalgijagipa ong·atanichi uno kam ka·enggiparangni aro sepangjolo donggipa manderangni an·seng baljokanina kenchakani ong·engani gisepon, samtangtangni buring bolgrimrangni naljokanina aro manderangni an·seng baljokaniko rakkianina ja·ku de·soaniko dake, District Magistrate a·jao niamgri itta so·enganirangko niamrango pangchake dontongatangaha.
