Tura: South Garo Hills (SGH)- a·jani Chokpot joloni sak 150 Nokmarang apsan tom·dake songo general meeting-ko ong·ate dingtang dingtang bidingrangko chanchirimangaha. Tom·anio Garo Hills Autonomous District Council (GHADC)-ni ning·o Nokmarangna on·gipa daito aro bilrangni gimin chanchirimaha.
“Nokmarangan customary a·arangko nirokgipa aro songni administration ong·e songni nokni mamlarangko nirok-simsakna nangao ga·akengon jinmanrangan niamo pangchake on·gipa bilrangko rakkiangna aro songsalna namgniko dakna namnike ra·chakangaha.
Iarangni gisepon Nokmarang GHADC-ni MDC-rangni Council-ni election-o chakatna gita ST -ko nangtelgipa dakatanio kamrangko ka·anina de·mittelaha, unbaksana dingtang dingtang CSO-rangni on·gilaniko janapangaha.
ST status-ko nangchongmotgipa dakatani gimin a·dok sorkariko mittele Nokmarang, CSO-ni adita sak memborrangko rim·ahani gimin suk ong·gijako janape watpilchina mol·molna gita tik ka·aha.
