AMPATI: Sombar salo, South West Garo Hills a·jani Social Welfare department, Medical department baksa nangrime, Poshan Pakwada-ko Wadagre Anganwadi Centre-o maniangaha aro ia Poshan Pakwada-ko maniani bak gita medical camp-koba ong·atangaha.
Ia Poshan Pakwada-ko maniani bak gita medical camp-ko ong·atanichi, songni nokni me·chikrang aro bi·sa-desarang, namgnirangko man·aha.
Songo noko ma·giparangna aro bi·sarangna, namgipa cha·anirangko cha·na nangani gimin aro an·tangtangko an·seng baljoke rakkina nangani gimin u·iatna gita ia program-ko ong·atangaha aro ia program-o dingtang dingtang health official-rangh aro an·seng baljokaniko on·na kam ka·enggiparang, be·enni gita porikka ra·e niani baksana namgipa cha·anirangko aro an·seng baljoke dongani bidingo agan-ku·pattianirangkoba on·angaha.
