SHILLONG: Meghalaya Legislative Assembly-ni Speaker Thomas A Sangma-ba, May 25 tarikoni 29 tarikona, Canada a·songni Ottawa songjinmao Canada Parliament-ni ong·atenggipa Canadian Parliamentary Seminar-o bak ra·enga.
Ia bilsini Canadian Parliamentary Seminar-ko ‘Parliaments in the 21st Century: Innovation and Adaptation for Democracy’ ine pangchakaniko done ong·atenga aro ia seminar-o dingtang dingtang parliament-ni dilgiparang aro official-rangba bak ra·e, apsan chanchirimanirangko dakenga.
Ia seminar-ko ong·atanio, Canadian Parliamentary system, Commonwealth Parliamentary Association (CPA)-ni daitorang, parliament-o chadamberangko bak ra·atani, Parliament-o me·chikrangni dilaniko mangrakbatatani aro uandakgipa dingtang dingtang kamrangni bidingo dingtang dingtang dilgiparang apsan chanchirimanirangko dakenga.
Meghalaya Legislative Assembly-ni Speaker Thomas A Sangma baksana Assembly-ni Secretary Malthus S Sangma aro Meghalaya Assembly-ni Deputy Secretary Raja K Kharpuri-ba ia Canadian Parliamentary Seminar-o bak ra·enga.
