TURA: Game ge·e cha·giparangna, an·tangtangni game ge·e man·gipa bosturangko chel·chakani, jo·ong aro sabisirangko name nirokani aro gama ge·anirango gital kolrangko jakkalani bidingo u·iatna aro talate on·na gita June 1 tarikoni 30 tarikona Agriculture & Farmers Welfare Ministry-ni ong·atenggipa ‘Khet Bachao Abhiyan’ campaign-ni bak gita Sombar salo, West Garo Hills a·jani ICAR-Krishi Vigyan Kendra (KVK), South West Garo Hills a·jani BJP Kisan Morcha baksa nangrime, ‘Natural Farming’ ba ong·telaigipa a·salrangchi gama ge·ani bidingo awareness program-ko Betasing Block-ni ning·o donggipa Goramara songo ong·atangaha.
Ia training program-ko ICAR-KVK-ni SMS (Vegetable Science) Ramawatar Yadav, SMS (Agricultural Extension) Dr Tarun Kumar Das, Senior Scientist aro Head (Agriculture Extension) Dr Monica Suresh Singh dakdilangaha aro ia program-o South West Garo Hills BJP Kisan Morcha-ni district president Ajit Marak aro songni Nokma Emanuel Sangma-ba dongpae bak ra·angaha.
Ia awareness program-ko ong·atanio game ge·e cha·giparang bang·en bak ra·angtokaha aro uamangna jaktangchi dake nianikoba skie on·angaha.
