SHILLONG: Election-rango voter ba dilgipako seokgipa mande sakantian, an·tangtangni daitorang donga ine United Democratic Party (UDP)-ni dilgipa aro Khliehriat MLA Kyrmen Shylla parakataha.
Election-o chadamberangni daitorangni gimin sing·anina aganchakaniko on·angengon, election-kode chadambe ba ja·delgimin manderangni kamsa ine aganna man·jawa ine Shylla parakataha.
“Election-ode dilgipako seokanio bak ong·enggipa mande sakantian an·tangtangni daitorang donga. Election-o an·ching chadamberang ba ja·delgimin manderangosan pangchakna man·jawa. Pu·onenggipa mande sakantian, election-ode an·tangtangni daitorang donga,” ine UDP-ni dilgipa aganaha.
Shylla-ni parakatani gitade, bilsi 18 gapgimin a·songni mande sakantian dilgipako seokanio bak ra·na bilko man·a aro dilgiparangko seokanio gamchatgiparang ong·a. Meghalaya a·doko aro a·song gimikon chadamberang jelbra jelsubatgenchimoba, election-o gipin pu·ongiparangba apsan daken gamchatgiparang ong·aia ineba ua aganaha.
“Voter sakantian apsan daken gamchatgiparang ong·a. Indiba chadamberang jelbra jelsubatani gimin chadamberangni gisiko chanchianirangara, dilgiparangko seokanio namen nangchongmotgipa ong·a. Election-rango chadamberangni on·gilaniara namen dal·begipa ong·a,” ine UDP MLA aganaha.
2028 bilsini Assembly election-o chadamberangan mongsonggiparang ong·gen ine janapatengon, “2028 bilsiosan ong·ja indiba election changantian, chadamberangni bak ra·aniara bang·en dingtanganiko ra·bana man·a,” ine Shylla aganaha.
