PGI-o tang·dooba ge 1,414 skulrango skigipa sakpraksan, ge 74 skulrango poraigpa gri: NITI Aayog

SHILLONG: 2025-26 bilsio Centre’s Performance Grading Index (PGI)-o namdapatani pal Meghalaya-ni school education system dal·bea ra·bianirangko chagronge namjabatrikrikuenga.
Mejamangmang NITI Aayog-ni report-ko parakatani gitade, ge-74 sorkari skulrango bi·sa enroll ka·giparang dongja jeon sak 152 skigiparangko rakkikuenga aro sak 49,807 chatro chatrirangna sak 1,414 skigipa saksan ong·e skulrango skienga.
PGI-ni gital nakatgipao Meghalaya a·dok lekka poranio namjabatgipa ong·enga. Skie ra·anganio nambatako ong·katatna rika cho·anirangko aro chalaianio namdapataniko mesokaha aro school network-ko bang·batatna jotton ka·aniko mesokaha.
NITI Aayog-ni report-o, India-ni school Education System, nambata gadangko on·angna temporal analysis aro Policy roadmap-o Meghalaya-ni educational sector-o point-rangko mesokaha.
A·dokni report-rango skigiparangna biap bangbang dongako mesokjaha aro skigiparangni ratio-o gapate donaha jeon primary, upper primary, secondary aro higher secondary gadangrango national average-na bate mesokaha, chatro chatrirang uamangni skie ra·anirang a·songni gipin bakrangna bate ja·manchakenga.
PARAKH Rashtriya Sarvekshan 2024-o, national average-o 54%-oni Language-o Meghalaya a·dok 47%-san, Mathematics-o 37%-oni 29% san, Science-o 40%-oni 33%, Social Science-o 40%-oni 34%-osan ong·aia.
Skulrango saksan skigiparang bang·a jean lekka porani gadangna dal·begipa ra·biani ong·enga, dingtangmancha ian songadamrango aro mande jelgipa biaprango jeon saksan skigipachi administrative-ni kamko ka·angna nangan baksana dingtang dingtang class-rangkoba nirokangna nangengako report-o ma·siangaha.
Iano minggipinkoba ma·siangaha, jeon skulrango chatro chatrirangan saksaba dongja indiba skigiparangkode rakkikuenga, enroll ka·a donggijagipa ba komibegipa baksa skulrangko nangdimatchina jedakode skigiparangko namdapate jakkalangna man·gen ine a·dokna ge·etaniko on·angaha.
Ministry mof Education’s PGI 2.0 report-ko sandie man·ani gitade, Meghalaya a·dok gimikni gita namdapengaha aro komibegipa gadangoni ong·katengako mesokaha.
PGI, da·oba PARAKH learning outcomes-o pangchakuenga, sorkarini rika cho·anio aro administrative-ni on·kange kam ka·anganirang dongengaha ine ma·sina gita man·angaha indiba class dringrango skie on·anirangko namdapatna nangkuanirangko nikuenga, ine parakataha.
Skul chalaiani bewalko aro kam ka·aniko bilakdapatenganio Meghalaya-ni education sector nambatrikrikengaha indiba nambata gadango lekka poraniko on·anio bang·a ra·bianirangko chagrongkuenga ine ge·gni report-rango apsan mesokaha.
Administrative kam ka·anganio PGI ranking-o a·dok namdapengaha indiba skulrango enroll ka·gipa bi·sarangan dongja, institution-rango saksan skigiparang bang·a aro learning outcomes komigipa average-o ong·enga jeon reform-rangko tarina nangkuenga jedakode nambatgipa educational outcomes-ona sokangna man·gen.