SHILLONG: BJP, A·doko sason ka·enggipa NPP-ni rikdilenggipa Meghalaya Democratic Alliance (MDA) sorkarini bakrimgpa dol ong·genchimoba, Tripartite Agreement-ni ku·rachakgiminrangko chu·sokatchina aro Garo Hills Autonomous District Council (GHADC) employee-rangna bangki donggipa dormaharangko ta·rake on·china gita State BJP, Robibaro parak ong·en a·dok sorkariko didiaha.
Tripartite Agreement-ni Paragraph 3.1-ko chu·sokna sorkari ja·manchakaha, je niamon GHADC employee-rangna jani skanggipa tarikon uamangni dormaharangko chipe on·gen ine uamangni jingjengatmiting somoio ku·rachakgimin dongachim ine State BJP vice-president aro Tura MDC Bernard N. Marak sorkariko matnange aganaha.
Sorkarini ku·rachakgimin donggenchimoba, July 10 tarikona kingkingba uamangna dohmaharangko on·kuja. Unbaksana ku·rachakanirang donggenchimoba ja 30-ni arrear-rangkoba da·alonaba on·kuja ine BJP dilgipa aganaha.
Dormahako somoi gita on·jani gimin employee-rang tangka-paisao namen neng·nikanirangko chagrongna nanga, jeni a·selan loan-rangko chotanio, dingtang dingtang bill-rangko ba sa bi·sarangko poraiatani korosrangko gamanio neng·nikanirangko chagrongna nangenga ineba ua agandapaha.
Indake, dormaharangko somoi gita man·jani a·sel bang·a employee-rang uamangni loan-rangko somoi gita chotna man·jae loan tik ong·e chotja ine segatanirangko man·enga ineba ua aganaha.
GHADC employee-rang uamangni kamni kri uamangni dormaharangko somoi gita man·na kraa, unigimin a·dok sorkari uamangni man·gni dormaharangko ru·utatgija somoi gita on·na nanga aro uamangni man·gni arrear-rangko Sorkari on·na nanga ine Marak aganaha.
Indake ong·engon, Tripartite Agreement-ko ja·rikgija ru·utate dongenchimode neng·nikani ong·gen ineba BJP dilgipa aganaha.
Tripartite Agreement-ni Paragraph 3.1-ko chu·sokna sorkari ja·manchakaha, je niamon GHADC employee-rangna jani skanggipa tarikon uamangni dormaharangko chipe on·gen ine uamangni jingjengatmiting somoio ku·rachakgimin dongachim ine State BJP vice-president aro Tura MDC Bernard N. Marak sorkariko matnange aganaha.
Sorkarini ku·rachakgimin donggenchimoba, July 10 tarikona kingkingba uamangna dohmaharangko on·kuja. Unbaksana ku·rachakanirang donggenchimoba ja 30-ni arrear-rangkoba da·alonaba on·kuja ine BJP dilgipa aganaha.
Dormahako somoi gita on·jani gimin employee-rang tangka-paisao namen neng·nikanirangko chagrongna nanga, jeni a·selan loan-rangko chotanio, dingtang dingtang bill-rangko ba sa bi·sarangko poraiatani korosrangko gamanio neng·nikanirangko chagrongna nangenga ineba ua agandapaha.
Indake, dormaharangko somoi gita man·jani a·sel bang·a employee-rang uamangni loan-rangko somoi gita chotna man·jae loan tik ong·e chotja ine segatanirangko man·enga ineba ua aganaha.
GHADC employee-rang uamangni kamni kri uamangni dormaharangko somoi gita man·na kraa, unigimin a·dok sorkari uamangni man·gni dormaharangko ru·utatgija somoi gita on·na nanga aro uamangni man·gni arrear-rangko Sorkari on·na nanga ine Marak aganaha.
Indake ong·engon, Tripartite Agreement-ko ja·rikgija ru·utate dongenchimode neng·nikani ong·gen ineba BJP dilgipa aganaha.
