AMPATI: South West Garo Hills a·jao chiakol kite jakkalenggipa manderangko aro public institute-rangkoba, Executive Engineer (Water Resources), South West Garo Hills Division Ampati-ni office-o register ka·china, South West Garo Hills a·jani District Level Committee on Ground Water Resources (DLCGWR), ge·etaniko on·angaha.
South West Garo Hills a·jao chiakol kite jakkalaniko name am·sandina aro a·ningni chirangko nambate jakkalna man·na gita ia ge·etaniko on·angaha.
Executive Engineer (WR) aro DLCGWR-ni Member Secretary-ni u·iatani gitade, chiakol kite jakkalenggipa pilak manderangan, Ampati-ni Executive Engineer (Water Resources) Office-o register ka·engon, pilak nanggipa lekkarangkoba on·chapna nanggen.
Apsan daken, South West Garo Hills a·jao chiakol kitani ostrorangko jakkalenggipa manderang aro nokgiparangba an·tangtangni chiakol kitani ostrorangko, Executive Engineer (Water Resources), South West Garo Hills Division Ampati-ni office-o register ka·china DLCGWR ge·etaniko on·angaha.
