Shillong: District-o aro Shillong songjinmani wilwilao COVID-19 ta·raken jelrikrikengani gimin, April 23-30, 2021 tarikoni bar, club, cinema hall, salon, beauty parlor, yoga institute, gymnasium, cyber cafe, gaming parlour aro swimming pool dakgiparang pilakkon chipatchina gita East Khasi Hills District-ni District Magistrate, Bristibaro ge·etaniko on·aha.
Ge·etaniko on·gipao janpa je, on·gimin niamprangko ja·rikama ja·rikja uko pilak Incident Commander-rang, Zonal Magistrate-rang re·roroe nigen, unigisep saobarang ia ge·etaniko manijaenga ine nikode Meghalaya Epidemic Diseases, COVID-19 Regulations, 2020 Niam-ni ning·o pangchake rakgipa sastiko on·gen.
Shillong Urban Agglomeration-o napgiparang biaprangara- Municipal area gimik, Cantonment area gimik, Census Town-rangko man·chape Mawlai C&RD Block-ni ning·o ga·akgipa area-rang Mawpat C&RD Block-ni ning·ogipa Census Town-rangko man·chape, Mylliem C&RD Block-ni ning·o ga·akgiparang Umshyrpi Bridge-oni uchi 7th Mile, Upper Shillong-ona kingking Madanrting, Mawblei, Laitkor, Nongkseh, Umlyngka aro Lawsohtun-ko man·chape.
