U·IATTIMGIPAONI
TURA: North Garo Hills a·jao ra·gate ka·enggipa dingtang dingtang scheme-rang, chong·motan MGNREGA, PMAY-G aro Jal Jeevan Mission (JJM)-ni kamrangko nipilna gita mijal Sukrobar salo, Tura-ni MP Agatha K Sangma-ni dilanichi District Development Coordination & Monitoring Committee/ DISHA-ni tom·aniko ong·atangaha.
North Garo Hills a·jao ra·gate ka·enggipa PMAY-G-ni kamrangko nipilangengon, kam ka·anirangko nambate nirokchina, bank account-rangko kulie on·na gita dingtangmancha kamko ka·china aro kamrangna tangka paisarangko name jakkalchina gita Tura-ni MP didiangaha.
Jal Jeevan Mission-ni kamrangko niangskaengon, dingtang dingtang songrango donggipa nokdangrangna chirangko sale on·engon, kamrangko nambate ka·china aro North Garo Hills a·jao donsoenggipa nisanko chu·sokatna rakbae kamko ka·china, North Garo Hills a·jani official-rangko aro mongsongbate PHE department-ko didiangaha.
Sorkarini ra·gate on·enggipa scheme-rangko manderangona sokate on·asan ong·aigija, manderangni namgnina ia scheme-rangko chu·sokate on·na man·na gita kamrangko nambate ka·china aro dingtang dingtang department-rang baksana BDO-rang baksa ku·monge kamko ka·china Tura-ni MP, North Garo Hills a·jani Deputy Commissioner-ko ge·etangaha.
Ia tom·anio Meghalaya a·dokni Chief Minister Conrad K Sangma aro North Garo Hills a·jani dingtang dingtang officer-rangba bakko ra·angaha.
Photo: Sorkarini ra·gatgipa dingtang dingtang scheme-rangko nipiltaina tom·anio Tura-ni MP Agatha K Sangma baksana a·dokni Chief Minister Conrad K Sangma-ba bakko ra·enga.