Ampati-o World Veterinary Day-ko manianga

Ampati: Meghalaya Veterinary Services Association (MVSA), West, South aro South West Garo Hills district apsan melie, Sonibar salo Ampati-o, “Veterinarian response to COVID-19” theme-ko done World Veterinary Day-ko maniangaha. Indake tom·anio covid protocol-ko ja·rikenba maidake veterinarian-rang a·gilsak gimikon Covid-19 pandemic-ko warachakanio dakchakaha, iako gisik ra·angaha.
South West Garo Hills-ni Deputy Commissioner, Ch. Ramakrishna, tom·anio chief guest ong·e bakko ra·e, veterinary a·bao kam ka·giparangko de·mittelate, songsalna uamangni dangdike on·a kamrangko parakate on·aha. Aro Covid-19-ko warachakanio dakchakani giminba mittelataha. Uandake tom·anio unit-ni president Dr. Helico K Marak-ba veterinary day-ni gimin aganprakangaha. Tom·anio technical session-koba ong·atjolaha, uni joljol MVSC, AH&, Nongaolbibra-ni Dr. Sabetini S Marak, aro District Programme Manager Andy D. Sangma- uamang Covid-19-o general awarness ba u·iataniko unbaksana covid-ni somoio veterinarian-ni warachake kam ka·ani bidingo presentation-ko on·angskaha. Minggipin programme-o medical team-ba bakko ra·e, random test (RAT) ka·angaha, indiba sample chimonge porikka ra·gipa gimikan negative ong·tokaha.