Ampatio WVD-ko manianga

SHILLONG: Meghalaya Veterinary Services Association (MVSA), West, South aro South West Garo Hills district-rangni palo, “COVID-19-ni neng·nikani Veterinarian-rang dakchakaniko on·a” ine pangchakaniko donenba World Veterinary Day-ko Ampatio maniangaha.
Pilak Covid protocol-rangko ja·rikenba ia Veterinary Day-ko maniangaha aro veterinarians veterinary-o kam ka·giparang ia Covid sabisi sajinmani somoio maikae dakchakanirangko on·achim, uarangko gisik ra·aniko dakangaha.
South West Garo Hills-ni Deputy Commissioner, Ch Ramakrishna jean tom·anio mongsonggipa sokgipa ong·aha, veterinarian-rangni songsalna dangdike on·aniko aroba Covid sabisi sajinmani somoio uamang maikae dakchakaniko on·achim, ia pilakrangko agan-talate on·angaha.