Covid-ni bidingo Social mediao tol·e jangatgiparangna mikrakata

SHILLONG: Da·ororo Covid-19 sabisini bidingo Social Media aro bang·a internet-ni platform-rango tole watruragipa koborrangko Meghalaya Police-ni COVID-19 Fake News Verification portal link https://megedistrict.gov.in/directApply.do?serviceId=1149-o u·iatpachina gita Meghalaya-ni Assistant Inspector General of Police (A), Shri. G.K. Langrai, MPS, mijalo mol·mole aganataha.
Unbaksana, jemangan Covid-19 sabisini koborrangko social media-o man·sogenchimode skanggipa uarangni kakket ong·aniko sandichenga ja·manosa watchina gitaba a·dokni manderangko mol·mole aganataha, maina tol·e jangatgipa koborrang manderangna kenjagokani aro bang·a jajaanirangko ra·bana gita ama, ua aganaha.