SHILLONG: Kamoniko ra·galchina dabienggipa manderang, a·doko songdongenggipa manderangni namgninasa dabiengnaba gnang ine a·dokni Power Minister James K Sangma, an·tangko ra·galchina dabienggiparangni kosako maming matnangani dongja ine talatangaha.
Meghalaya a·doko bijolini gita neng·nikanirangko man·na nangengani gimin a·doko songdongenggipa manderang, Power Minister-ko matnangtokengachim aro uko Power Minister-ni kamoniko ra·galchina gita United Democratic Party (UDP)-ba dabiengachim ine nikna man·a.
Iani bidingo kobor ra·timgipa manderang baksa agangrikengon, ua manderangni neng·nikanirangko ma·sichakenga indiba uni kamara namen dakna nanggni bang·gipa kam ong·a ine Power Minister parakataha.
“Angni kosako matnange dabianirangara manderangni namgninasa chanchie dabiengani ong·a ine anga ma·sia aro angako ra·galchina dabienggiparangni kosako anga maming matnangna nanganirang dongja,” ine Sangma aganaha.
Meghalaya a·doko bijolini gita neng·nikanirangko a·dok sorkari, ku·cholsan ong·e namatna jotton ka·enga ineba Power Minister parakataha.
“Ia neng·nikaniko namataniara altua kam ong·ja aro iako ma·sichakgipa manderangko anga mittelpilna ska. Meghalaya a·doko bijolini gita neng·nikaniara ru·uta bilsirangonin ong·engaha aro angna chakpaanirangko on·enggipa manderangko anga mittelpilna ska. Angko ra·galchina dabienggipa manderangba namgnina chanchiesa dabitokengani gimin anga darangkoba matnangna nangani dongja,” ine Sangma aganaha.
A·doko bijolini gita neng·nikanirangko namatna sorkarini ja·ku de·anirang somoikode nangaigen ineba Power Minister aganaha.
