SHILLONG: A·doko ta·raken giproroenggipa COVID-19 sabisiko champengna gita A·doko salchikkingna champengataniko ra·gatataha, maina ia re·baenggipa salchikkingni somoio a·doko Covid sabisina simsakbatna gita ga·akenga, uni gimin sakantian ia sal somoirango mikrake dongna nanggen ine Meghalaya Chief Minister, Conrad K. Sangma Sukrobaro aganaha.
Ia salchikkingni gisepo a·dokni manderang COVID-19 sabisiko bilakbate dakgrikchakna nangenga ineba Pa Sangma aganaha.
“Saksa sakgipinona giproroaniko bon·chongdikatna man·genchimode, a·doko Covid sabisini jelrikrikaniko champengna man·gen’’ ineba Pa Sangma koborni manderangna aganaha.
Salchikkingna champengataniko ong·atgenchimoba, ian chu·gimik lockdown ka·engade ong·jaenga, a·dok sorkari, manderangni neng·nikani aro nanganikrangko ma·sia, unigimin nangchongmotgipa pala simanirangkode kulina on·enga, chief minister aganaha.
