SHILLONG: Meghalaya Assam interstate border-o golmal ong·ako tom·tomatna changni chang jotton ka·anio chu·sokna man·jaengani gimin cabinet minister aro HSPDP-ni general secretary Renikton L Tongkhar, sima arini mamlako Assam assembly election-ko parakatani ja·man Assam sorkari baksa agangrikchina mol·molataha.
“Assam-o gital sorkariko rika matchotahaode, sima arini mamlako Assam sorkari baksa agangrikna, Chief Minister-ko mol·molaha, ine PHE-ni Minister Tongkhar koborna u·iataha.
Sima ario golmal ong·ako namatna jotton ka·anirang chu·sokjaenga ine janapatenba, “ia mamlako tom·tomatna man·jaode jajrengani ong·a, aro darangko matnangna man·jawa maina an·chingni atchu-ambirang nambatakon dake ka·e donangaha uandaken chingaba man·a dipet jotton ka·enga, ine Minister aganaha”.
Mijaomangman Assam-Meghalaya border-o golmal ong·ako kobor man·aha. West Khasi Hills-ni Umbah songo Assam Police aro Forest Department-ni sak 17 memborrang niamgri songona napenba jolni manderangni nokko nosto ka·e galaha. Uni gimin Meghalaya Police, golmal ong·ako champengna gita interstate border-ona bang·bate chelchakgipa dolrangko watataha.
Minggipin Meghalaya Legislative Assembly session-o Chief Minister Conrad Sangma-an, Meghalaya aro Assam border-o chang 106 golmal ong·ako parakaha.
Indake ong·engon Tongkhar, Meghalaya a·dokko northeaster a·dokrangoni damsa develop ong·gipa a·dok ong·a ineba aganaha.
Renikton, Meghalaya-Assam interstate border mamlao agangrikchina mol·mola
Date:
Share post:
