TURA: West Garo Hills a·jani a·kawe jolrangoba COVID-19-ko man·giparang batrorobaengani gimin bilsi 45 badegimin manderangna, da·al Sombar salo, Phulbari CHC aro Jeldupara PHC-ni ning·o donggipa dingtang dingtang biaprangona health worker-rang re·ange COVID-19-ni tikako su·anggen.
Koborko on·ani gitade tikako pring 9:00 bajioni attam 4:00 bajiona ia damgni CHC-ni ning·o donggipa dingtang dingtang biaprango su·anggen.
Jeldupara PHC-ni ning·o tika su·na sienggipa biaprangara, Sohribari LP School, Lalmati AWW house, Konarchar LP school, Hallidayganj police station field, Charkasaripara LP school aro Kasaripara Bright Future LP School ong·enga. Phulbari CHC-ni ning·o COVID tikako su·skana sienggipa biaprangara, Gumarijora R/C LP School, Masangpani LP school, Moulakandi 1 Govt LP school, Moulakandi 2 ME School, North Moulakandi ME Girls School, Haribanga 1 UP School, Haribanga 2 AWC, Goladigli Govt LP School, Gandhimari SSA school aro Purnonagar SSA LP skul ong·skaenga.
Tikarangko su·na re·baengon, an·tangtangni bilsi sakkina Identity Card (ID) card-rangko ra·e re·bachina gita West Garo Hills a·jani Deputy Commissioner u·iataha.