SHILLONG: Re·anggipa Sonibar salo, West Khasi Hills a·jani Mawshynrut jolo donggipa Mawngap songo, matchu nolko goera goanio mande sakgni so·otako man·aha aro gipin sak 13 manderang, bilongbee saknaanirangko man·aha.
Koborko on·ani gitade, Sonibar salo gimik sak 15 manderang, matchu nolo mikka chakengachim aro ua somoio rang·gitik uamangni mikka chakenggipa matchu nolko goera goanichi bilsi 17 ong·gipa Leborius Nongsiang aro bisi 37 ong·gipa Leding Rongrin, so·otako man·aha.
“Sonibar salni 12:00 bajimango ia manderang matchu nolo mikka chakengachim aro rang·gitik ua somoio uamangni mikka chakenggipa matchu nolko goera goaha. Goera goanio mande sakgni janggitangtangko gimaatna nangaha,” ine Mawngap songni sordar Mawjaw Langrin parakataha.
Ia a·selni bidingo songni dilgiparang, Riangdo police station-ona u·iataha aro ja·mano sianggipa manderangni manggisiko uamangni nokdangna pakwate on·aha.
Saknaa man·gipa manderangko sanna gita Riangdo CHC-ona rimangaha ine kobor on·aha.
