SHILLONG: Gimik gimang sak 132 chatro chatrirang, da·o ong·attainasienggipa Secondary School Leaving Certificate (SSLC) aro High Secondary School Leaving Certificate (HSSLC) porikkarangko seanggen.
MBoSE joint director, M. Marbaniang-ni aganani gitade, gitalgipa koborogipade sak 67 chatro chatrirang ong·attaienggipa SSLC porikkarangko seanggen unomitingo sak 65 chatro chatrirang ong·attaienggipa HSSLC porikkarangko seangskagen.
Uni aganani gitade, senagiparang baridapkunaba donga, maina HSSLC porikkade May 12-osa matchotenga.
“HSSLC porikkani pilak subject-rangko semantokosa, badita sakmancha ong·attaienggipa porikkarangko segen, namedake ma·sina man·gen” ine MBoSE director aganaha.
Indake ong·engon, SSLC porikkarangko setainagipade bang·e batjawaha, maina hajal sak 65,000 chatro chatrirang porikkarangko semantokaha, ua aganaha.
Da·o ong·attainasienggipa porikkarangko senagiparangoni bang·batan Covid man·gipani high risk contact-rang ong·a aro mitamara positive man·gipa nokdangoni ong·a ineba ua aganaha.
SSLC porikkade mija Sombaron tom·tomen matchotangaha.
Sak 132 chatro chatrirang ong·attaienggipa SSLC, HSSLC porikkarangko segen
Date:
Share post:
