TURA: East Garo Hills a·jani Dambo-Rongjeng Block office-o aro Rongjeng Bazar jolo adita sak manderang COVID-19-ko man·ahani gimin ia biap damgnio manderangni re·ruraaniko aro bazar anti cha·anirangko champengna gita ia biap damgnikon May-ni 7 tarikona chipe donatchengaha ine East Garo Hills a·jani Deputy Commissioner Swapnil Tembe u·iataha.
Deputy Commissioner-ni u·iatani gitade, ia biaprangko chipe donengmiting somoio manderang ia biapona re·angna man·jawa aro ia biap gita re·ruraenggipa garirangba ia biapo neng·takna man·jawa.
Ia biaprangko chipe donengmiting somoio ia biapo donggipa dokkanrangko kulina man·jawa aro manderangni nangchongmotgipa bosturangko nirokenggipa officer-rang sokate on·skagen ineba DC u·iataha.
Ia biaprangko chipe donengmiting somoirango ia biaprango jinma tom·anirangko ba program-rangko ong·atjachina gitaba DC u·iataha.
