TURA: Dingtang dingtang biaprangoni aro mongsongbate Shillong songjinmaoni Garo Hills-ona re·bapilenggipa manderang pilakkon COVID-19-na porikka ra·e nichina gita West Garo Hills a·jani Deputy Commissioner Ram Singh u·iataha.
Meghalaya a·doko aro mongsongbate East Khasi Hills a·jao COVID-19-ko man·giparang batroroengani gimin Garo Hills-ona re·bapilenggipa manderangko porikka ra·e nichina u·iataha.
“Shillong-oni Garo Hills-ona re·bapilenggipa manderang pilakan COVID-na porikka ra·e nina nangchongmotenga,” ine West Garo Hills a·jani Deputy Commissioner parakataha.
East Garo Hills-o Budbar attamonin re·baenggipa May 10 tarikona chu·gimik lockdown-ko ra·gatengon, West Garo Hills a·jaoba da·o Sonibar aro Robibar salrango salgnina chu·gimik lockdown-ko ra·gatengachim ine nikna man·a.
