TURA: East Khasi Hills a·jao re·baenggipa May 10 tarikona kingking chu·gimik lockdown-ko ra·gatengani gimin May-ni 6 aro 7 tarikrango ong·atna manchisogimin HSSLC porikkarangko re·baenggipa May-ni 11 aro 12 tarikrangona ra·doatskaaha ine MBOSE-ni controller of examinations TR Laloo u·iataha.
MBOSE official-ni u·iatani gitade, Music (Western), Physical Education porikkako May 11 tarik pringo ong·ate Computer Science/Computer Application/Informatics Practises porikkako apsan salni attamo ra·skagen aro Statistics baksana Vocational Subject-rangko May 12 tarikni pringo ra·angskagen.