TURA: South West Garo Hills a·jani Rangsakona primary health centre (PHC)-o COVID-19-ko man·ahani gimin ia PHC-ni out patient department (OPD)-ko May-ni 7 aro 8 tarikrango salgnina chipe donatchengenga ine South West Garo Hills a·jani Deputy Commissioner u·iataha.
COVID-19-ni giproroaniko champengna gita ia PHC-ni OPD-ko chipe donatengmiting somoirango PHC-ko samrangchi rongtalatgen aro PHC-o donggipa gipin manderangkoba COVID-19-na porikka ra·e nianggen ine kobor on·aha.
Ia PHC-ni OPD-ko salgnina chipe donengmiting somoio jolni manderang, Garobadha PHC-ona re·ange sanna bananirangko ra·skana man·gen ineba South West Garo Hills a·jani Deputy Commissioner u·iataha.
