Ampati-Betasing-o lockdown niamko pe·a

TURA: Covid sabisi gipororaniko champengna Meghalaya-ni dingtang dingtang district-rangon Sonibar aro Robibar salo lockdown-ko ra·gataha, indake ong·engon Sonibar pringo South West Garo Hills district-o lockdown-ni niamko pe·aniko nikna man·skaha.
Ampati aro Betasing bajar-antio bang·a manderang jinma tom·dak tom·dake koros ka·tokaha. Pringni somoionin bading-chiwalgiparang kra gitan business ka·tokaha.
Jeni a·sel police dolrang bajar-ona re·ange manderangko lockdown-ni niamko ja·rikchina mol·molenba noktangtangona re·pilangchina aganaha. Aro sorkarini dongimin niamrangko agantalate on·jolaha. Covid sabisi giproroako champengna noktangtango dongbo, maina salantion covid sagiparangko bang·en nikna man·enga, ine police-rang u·iataha.