TURA: West Garo Hills a·jao chu dokkan aro bonded warehouse-rangko kulina gita West Garo Hills a·jani Deputy Commissioner, dingtangmancha somoirangko sualataha.
Deputy Commissioner-ni u·iatani gitade, West Garo Hills a·jani ning·o donggipa chu dokkanrang, canteen-rang aro bonded warehouse-rangko May 12 tarik Sombar, Budbar aro Sukrobar salrango pring 8:00 bajioni salni 12:00 bajionasan kulina man·aigen.
Chu dokkanrangko somoi gita kulina on·engoba chu ringchakgipa bar-rangkode kulina man·jawa aro chu dokkanrangko kuliengon, sorkarini dongimin niamrangko ja·rikna nanggen ine Deputy Commissioner u·iataha.
