SHILLONG: Batanggimin konta 24-ni gisepo A·doko sak 409 manderang COVID-19 sabisiko man·dapaha, unomitingo sak 241 manderang sabisioni nampilskaaha.
Unomitingo sak 5 manderang COVID-19 sabisio uamangni janggirangko batanggimin konta 24-ni gisepo gimaataha. Sianggiparangoni EKH-o sakbri aro saksa Ri-Bhoi district-oni ong·achim.
Meghalaya a·doko Covid man·giparang gimikchide sak 20,129 gapahachim, uamangoni sak 16,834 manderang sabisioni nampilaha, sak 233 manderang sabisio siangaha, sabisi man·enggiparang da·omiting sak 3,062 dongengkua.
