SHILLONG: Shillong songjinmani Ganesh Das Hospital-o oxygen plant-ko mikkang antiode a·bachengna man·naba donga ine Meghalaya sorkari ka·dongsoenga.
Meghalaya a·doko COVID-19-ko man·giparang batrororoengahani a·sel bang·bata hospital-rangon oxygen-rang chu·ongjaengahani gimin Shillong songjinmao oxygen plant damsako kulina man·genchimoba oxygen chu·onggijaniko namatna man·genchim ine sorkari ka·dongenga.
A·dokni Deputy Chief Minister Prestone Tynsong-ni parakatani gitade, Tura-o damsa, Jowai-o damsa aro Shillong-o damgittam oxygen plant-rangko kulina ma·mong sorkari tangka paisarangko chame on·ataha.
“Ia oxygen plant-rangoni chinga Ganesh Das hospital-ode mikkang antion a·bachengatna ka·dongenga aro iana chinga ma·mong sorkariko mittelpilna ska,” ine Tynsong parakataha.
Meghalaya a·dokni gipin oxygen plant-rangkoba bakan a·bachengatna ka·dongenga ine janapatengon, ia oxygen plant-rangko kulina man·ahaode a·doko nanga gita oxygen-rangko man·gnok ine Deputy Chief Minister parakataha.
