TURA: Tura Sadar Division-ni ning·o donggipa AAY, PHH aro Non-NFSA beneficiary-rangna jaanti on·rongenggipa May jani merongko watatmanaha ine West Garo Hills a·jani Deputy Commissioner (Supply) u·iataha.
AAY beneficiary-rangna card kingprako japrakna kg-prako gong 3/- ka·e kg 35-ko, PHH beneficiary-rangna kg-prako gong 3/- ka·e sakprakna kg 5-ko aro Non-NFSA beneficiary-rangna Fair Price Shop Centre-ni Price Vigilance Committee-ni tik ka·gimin dam gita indiba gong 13/-na batgija, card kingprako kg 7.215 ka·e suale on·china gitaba DC (Supply), Fair Price Shop dealer-rangko ge·etangaha.
Iana agreba, Tura Sadar Division-ni ning·o AAY aro PHH-ni namgniko man·enggipa nokdangrangna Pradhan Mantri Garib Kaliyan Anna Yojana (PMGKAY)-ni ning·o May jani mirongko on·ataha ineba West Garo Hills a·jani DC (Supply) u·iataniko on·ataha.
Pilak beneficiary ba namgniko man·enggipa manderang, an·tangtangni man·na nangenggipa bosturangko an·tangtangni fair price shop dealer-rangoniko ra·ena man·gen ineba DC (Supply) u·iataha.
