TURA: Inter-district ba a·ja damsaoni a·ja damgipinona re·rurana gita je miksonganio car pass-ko on·ahachim, ua kamnasan car pass-rangko jakkalchina gita North Garo Hills a·jani Deputy Commissioner RP Marak mikrakataniko on·angaha.
Car pass-ko mande saani gimin, nokdango ba ma·drango mande siani ba maiba nangchongmota kamna on·aha ong·ode car pass-rangko ua kamnasan jakkalna gita man·aigen ine North Garo Hills a·jani Deputy Commissioner parakataha.
Car pass-na on·gimin somoi bon·ahaode ua pass-ko garirango tapjachina gita u·iatengon, car pass-rangko ong·gija kamrangna jakkalsretgenchimode nanga gita ja·kurangko de·gen ine Deputy Commissioner mikrakataniko on·angaha.
