SHILLONG: Shillong-ni Rotary Club, 67 Battalion CRPF baksa dolgni apsan bakrime, Meghalaya a·doko mongsongbate Shillong songjinmao covid sabisi baksa dakgrikanio state COVID-19 management-ni gita bang·a neng·nikanirangko chagrongna nangengani a·sel, sabisi man·giparangko sana-bananio jakkalna nangchongmotgipa, chong·motan, oxygen concentrator, augment oxygen supply-rangko on·gilpana aro Shillongo isolation centre-rangko a·bachengate on·a miksongenga ine koborna parakaha.
Skanggipa oxygen concentrator-ko Polo, CRPF 67 battalion-ni headquarter-o palang ge·brio oxygen concentrator gnanggipa sagiparangko sana man·e tarigipa hospital-o mni Sukrobar salo a·dokni Health Minister, Alexander Laloo Hek-ni jakchi oprake on·angaha.
Uandake, ru·utgijan Shillong Rotary Club-ba gipin isolation aro corona care centre-rangna concentrator-rangko ra·bae on·gilangskana manchiaha ineba koboro janapaha.
Shillong Rotary Club, da·oba St Joseph’s Secondary School, Pynthorbah, aro St George’s Secondary School, Nongmensong-rango ge 20 palangrang donggipa corona care centre-rangko a·bachengatanio a·dok sorkarina dakchakanirangko on·enga.
CRPF 67 battalion-ni commandant, Alok Bhattacharya-ni parakani gitade, uni sipairang Pynthorbah aro Nongmensong-o donggipa corona care centre-rangna ge 20 palangrango on·gilangskagen.
Mni Sukrobar salo corona care centre-na oxygen songanggipako oprake on·ani somoio, Hek, Club aro CRPF dolgni adita dakchakanirangko on·gilatpaengani bidingo aganangengon, Health department-ni gita uamangni on·gilatenggipa nangchongmotgipa bosturangko, jemangan sabisi man·giparangko noktangtango sana-bananiko dakna gita biap ba kutturirang chu·ongjachim, uandakgipa manderangko sanram biapona ra·ange sana-bananio jakkalangskagen ine agandapaha.
Indake ong·engon, Hek, ia ge·gni skulni management-rangko uamangni skulrangko corona care centre-rang dake jakkalna hukumko on·ani gimin mittelatjolaha ineba koboro janapaha
